casa agl ur uaul

Gest agl ur digl uaul da Flem Casa d’Uaul, en vischinonza directa dil hotel existent, ei naschiu ina casa da habitar cun endisch habitaziuns da proprietad. Il patrun da baghegiar ha encuretg per la parcella che croda levamein, en in grond contuorn semegliont ad in parc, ina cumpletaziun tiel menaschi da hotel vischinont – spazi da habitar ch’ei adattaus ton per la dimora permanenta, sco era per il diever da vacanzas e che sa profitar dalla purschida da survetsch dil hotel.

Il tgierp da construcziun da tschun alzadas – naven dil plaun da curtgin dalla vart plaunca, sur il plaunterren e duas alzadas sura, tochen al plaun sut il tetg engrondiu – ei drizzaus consequentamein viers sid e sesarva cun balcuns e plazs da seser generusamein viers il mund muntagnard ed igl uaul cunfinont. Ils tips da habitaziuns tonschan da habitaziuns da 2½ tochen 4½ stanzas denter rodund 71 e 147 m2, cumpletau cun ina garascha cun 13 parcadis el plaun sutterran. Ina senda da pedunzs creada da niev, colligia il baghetg niev directamein cul hotel.

Constructivamein sebasa la casa sin ina construcziun massiva en betun d’itschal cun isolaziun termica exteriura; la fatschada el sectur dil balcun ei fatga en construcziun da tschabergals da lenn, cun ina cuarcla da lenn larisch ventilada davos ora, ferton che mirs da sochel e da sustegn ein per part sevestgi cun crappa naturala. Finiastras ed escha d’entrada dallas habitaziuns consistan da larisch natural cun treidubla vetrificaziun, il tetg teis ei cuvretgs cun stuors d’irom e porta in indrez solar termic per sustener il scaldament. Egl intern dat parchet da ruver unschiu als locals da habitar e da durmir, sco era cuvridas da preits da quarzit da Val els locals sanitars tempra al standard da construcziun alzau. Il scaldament da plantschiu vegn provedius sur ina caldera da valur da combustiun cun ieli, igl edifeci ademplescha il standard da minergia e pretensiuns augmentadas da schurmetg encunter il tun tenor SIA 181.

Special ei la colligiaziun cul menaschi da hotel vischinont: proprietarias:s san sin giavisch far diever dil survetsch cumplein dil hotel – naven digl ensolver, sur il schubergiar las combras, entochen l’affittaziun dall’atgna habitaziun – e survegnan access al bogn aviert e sauna. Tgi che vul dar in accent individual al baghetg modern sa plinavon endrizzar sia habitaziun cun mobilias anticas ord igl effectiv historic dil hotel.