Casa Tschiel

Sut il Crap da Flem, cun vesta sur la muntogna grischuna dil sidvest, steva ina casa da vacanzas che haveva surpassau siu zenit architectonic. 2014/2015 eis el vegnius remplazzaus entras in niev baghetg realisaus el dretg da reconstrucziun – quei dretg da baghegiar grischun che segirescha il diever existent tier baghetgs remplazzonts, en in liug baghegiaus historicamein.

La nova casa d’ina famiglia cumpeglia treis combras da durmir sco era ina stiva aviarta cun cuschina, cumpletada cun ina stanza da hobi cun sectur da tecnica.

Constructivamein secumpona il baghetg da duas differentas modas da baghegiar: las alzadas suten ein exequidas massivamein, ferton ch’il plaun sut il tetg ei tschentaus si sco construcziun da lenn. Scaldada vegn la casa sur ina pumpa da calira d’aria che surpren era la preparaziun dall’aua caulda e metta aschia sin ina tecnica da casa che schanegia las resursas.

Element il pli marcant ei la fatschada da lenn: las aissas ein tschentadas en differentas altezias e bassezias e dattan cheutras in maletg general en fuorma da reliev. Ina colur speciala da lenn tarlischont rinforza supplementarmein quei effect, cun schar variar igl effect afuns dalla fatschada tenor l’entrada da glisch. El plaun sut il tetg arvan grondas frontas da finiastras cun ina surfatscha da seser incorporada la vesta sil mund muntagnard e procuran el medem mument per bia glisch dil di el spazi da habitar. Ina terrassa generusa cun plaz da grillar engrondescha il spazi da habitar anoviars e fa la casa era utilisabla ils dis caulds da stad.

Remarcabel vid quei baghetg niev ei sco la formaziun dalla fatschada en reliev, fa ord l’elecziun da material en sesez sempla – aissas da lenn larisch ni material cumparegliabel – in agen mied d’expressiun architectonic, senza sviar dalla moda da baghegiar reservada dil contuorn.