casa Luchsinger Pedersen

Agl ur da Flem Vitg ei naschiu denter 2008 e 2010 ina casa da habitar dubla cun duas habitaziuns da proprietad: ina unitad da 4½ stanzas sin 145 meters quadrat ed ina unitad pli generusa dad 8 stanzas sin 200 meters quadrat cun agen spazi da sauna e fitness.

Il tgierp da construcziun reagescha sin sia posiziun el context alpin: La fatschada ei surtratga cun lamellas finas da lenn larisch, che dattan al baghetg ina textura horizontala ruasseivla, e che s’integreschan ella cuntrada circumdonta. Generusas surfatschas da finiastras ein drizzadas viers sid ed arvan la vesta sur la val viers il massiv da muntognas Signina, procurond el medem mument per ina buna illuminaziun naturala dils spazis da habitar.

Materialisau ei la casa culs materials da baghegiar indigens lenn e crap, che entscheivan tier la fatschada e cuntinueschan entochen tier la construcziun interna e che dattan alla casa da habitar dubla in lungatg da material unitar, francaus regiunalmein. Tier las duas unitads da habitar s’audan in pool ordaviert, in whirlpool ordaviert sco era duas garaschas dublas che suttastrehan il caracter privat dalla immobilia.