Casas La Falera

Silla spunda sid da Prau da Cuort, sut il coc historic da Falera sin 1220 meters sur mar, ein naschidas treis casas da duas famiglias per in purtader da baghegiar privat. L’incumbensa: habitaziuns da proprietad d’aulta qualitad, che nezegian la vesta lontana fenomenala sil Péz Mundaun, la Lumnezia e sil massiv dil Signina – senza transformar l’identitad dil pli pign ed original dils treis vitgs da Flem-Laax-Falera.

Sligiada ei quella incumbensa vegnida cun in’orientaziun volumetrica alla tradiziun da baghegiar gualsra, interpretada per las pretensiuns da confort e flexibilitad da planisaziun hodiernas. Ils treis baghetgs s’arranschan consequentamein enviers sid per liung dalla spunda, aschia che mintgina dallas sis unitads da habitar profitescha dalla survesta. Finiastras da gronda altezia ed el spazi da habitar gronds eschs da stuschar, dissolvan il cunfin denter il spazi intern ed il spazi extern; il balcun cuvretg respectivamein il plaz da seser en curtin extenda la stiva sur onn viers anora

Materialisadas ein las fatschadas cun crap natural e lenn ed il tetg cun culmar ei cuvretgs cun plattas da crap – ina realisaziun che s’orientescha sapientivamein alla cumparsa tipica dil liug, enstagl da repeter ina architectura unitara. Endadens fuorma in cheminé miragliau da crap natural il center da mintga habitaziun, cumpletaus d’in local accessori utilisabel a moda flexibla sco biblioteca, stanza da musica ni fumoir.

Cun rodund 169 meters quadrat surfatscha da habitar netta per unitad, atgna oasa da wellness cun sauna, ascensur direct ella habitaziun, sco era dus parcadis sutterrans e cumpartiment da tschalers per unitad, metta il project sin spazis da retratga generus denton privats. Baghegiau tenor il standard d’isolaziun da minergia, scaldau sur ina sonda geotermica centrala cun scaldament da plantschiu e regulaziun dil spazi singul, ventilau sur ina ventilaziun da confort automatica – energeticamein ina metoda che mira sin cuosts da menaschi a liunga vesta enstagl da spargnar a cuorta. Las treis casas ein stadas promtas per retrer en etappas: casa 3 igl atun 2014, casa 2 igl atun 2015, casa 1 igl atun 2016.