Casa Novita

Alla Via Nova 3 a Flem Vitg, ella proxima vischinonza dil center dil vitg sco era dalla fermada da posta Flem Vitg Vallorca, ei naschiu il project da baghegiar “Novita” cun duas casas da pliras famiglias che stattan libras. Il patrun da baghegiar ha vuliu porscher en quella posiziun sulegliva bein accessibla ton spazi da habitar permanent sco era habitaziuns da vacanzas: Casa A ei previda per habitaziuns primaras, casa B per habitaziuns da vacanzas. En tut ein sis habitaziuns da proprietad cun 2½ e 3½ stanzas e surfatschas da habitar denter rodund 63 e 93 m2 naschidas.

Architectonicamein caracterisescha betun natural omisdus corps da construcziun e dat ad els in’expressiun atemporala ed el medem mument era moderna. Mintga alzada dat suttetg ad ina habitaziun ch’ei concepida sco unitad aviarta cuschina-habitaziun-stanza da magliar cun plaz da seser ni balcun generus e profitescha grazia a fronts da finiastras circumdontas d’in sentiment da habitar bunamein da penthouse cun stanzas inundadas da glisch. L’avertura succeda sur scala centralas cun ascensur, che meina directamein naven dalla garascha tochen el plaun sut il tetg; in local communabel per skis e velos sco era in ascensur d’autos per in access confortabel als parcadis cumpleteschan la purschida.

Constructiv metta il project sin ina moda da baghegiar massiva cun preits da betun d’itschal e da tievlas, ina construcziun dil tetg da betun d’itschal cun cuvrida d’eternit, sco era ina isolaziun termica exteriura da launa minerala. Las finiastras ein fatgas en lenn-metal cun treidubel veider d’isolaziun. Scaldau vegn sur il scaldament a distanza dalla Flims Electric SA cun in scaldament da plantschiu che funcziuna cun temperatura bassa e cun ina regulaziun individuala dallas singulas stanzas; in indrez fotovoltaic en el tetg cumpletescha il provediment d’energia, e l’infrastructura ei gia preparada per l’ da staziuns da cargar e-mobility.